Il-Carmelite Institute Malta flimkien mal-Akkademja tal-Malti ifakkru għeluq il-150 sena mit-twelid tal-Prof. P. Anastasio Cuschieri, Karmelitan, b’ċelebrazzjoni li se tittella’ nhar is-27 ta’ Lulju fis-6:00 p.m., fil-Kannierja tal-Knisja Karmelitana tal-Imdina, fejn il-Prof. Cuschieri huwa midfun. Matul iċ-ċelebrazzjoni jinqraw poeżiji u kitbiet ta’ Cuschieri, flimkien ma’ taħdita qasira dwar ħajtu u l-ħidma tiegħu. Fl-għeluq taċ-ċelebrazzjoni jitqegħdu fjuri u kuruni tar-rand fuq qabru.

Il-pubbliku huwa mistieden jattendi.